30. janúar 2025
Undirritun Sóknaráætlana landshlutanna 2025-2029
Miðvikudaginn 29. janúar fór fram undirritun Sóknaráætlanasamninga fyrir næstu fimm ár í Norræna húsinu. Samningar voru gerðir á milli landshlutasamtaka sveitarfélaga og þriggja ráðuneyta, með það að markmiði að styðja við jákvæða byggðaþróun, efla atvinnulíf og nýsköpun, styrkja menningu og stuðla að sjálfbærni í umhverfismálum. Fjármagnið mun nýtast til fjölbreyttra verkefna á Suðurlandi sem stuðla að þróun og styrkingu samfélagsins. Það er samdóma álit þeirra sem að sóknaráætlunum koma að þær hafi reynst afar mikilvægar fyrir uppbyggingu í dreifðum byggðum landsins og skapað aukin tækifæri fyrir fólk.
23. janúar 2025
Taktu þátt í að móta framtíð Suðurlands!
SASS, Samtök sunnlenskra sveitarfélaga, kallar nú eftir rödd íbúa við uppfærslu Sóknaráætlunar Suðurlands fyrir tímabilið 2025–2029. Sóknaráætlunin er stefnumörkun allra sveitarfélaganna fimmtán á Suðurlandi í byggðamálum og leggur grunninn að sjálfbærri byggðaþróun á svæðinu. Hún tekur til umhverfismála, atvinnu og nýsköpunar, samfélags- og menningarmála og hefur bein áhrif á forgangsröðun verkefna og áherslur Uppbyggingarsjóðs Suðurlands.
22. janúar 2025
Matvælasjóður opnar fyrir umsóknir 1. febrúar 2025
Matvælasjóður mun opna fyrir umsóknir í sjöttu úthlutun sjóðsins þann 1. febrúar 2025 og verður umsóknarfrestur til miðnættis 28. febrúar 2025. Hlutverk sjóðsins er að styðja við þróun og nýsköpun í framleiðslu og vinnslu íslenskra matvæla og hliðarafurða úr landbúnaðar- og sjávarafurðum á landsvísu. Í ár eru rúmar 477 milljónir króna til úthlutunar.
22. janúar 2025
Mannamót Markaðsstofa landshlutanna: Ferðasýning ársins haldin með glæsibrag
Mannamót Markaðsstofa landshlutanna fóru fram með pompi og prakt þriðjudaginn 16. janúar síðastliðinn í Kórnum í Kópavogi. Ferðasýningin, sem nú var haldin í ellefta sinn, hefur þróast og stækkað með hverju árinu og er orðin stærsta ferðasýningin á Íslandi. Það er langt síðan fyrstu Mannamótin voru haldin í litlu flugskýli á Reykjavíkurflugvelli, en í ár voru um 1600 skráðir sýnendur og gestir sem er fleiri en nokkru sinni áður.
21. janúar 2025
Fyrirlestraröð - Forvitnir frumkvöðlar hleypt af stokkunum
Í byrjun janúar fór fram fyrsti fyrirlesturinn í fyrirlestraröðinni Forvitnir frumkvöðlar, sem er á vegum landshlutasamtakanna Austurbrúar, SASS, SSNE, SSNV, SSS, SSV og Vestfjarðarstofu. Fyrirlesturinn var haldinn af Arnari Sigurðssyni, sem ræddi um frumkvöðlaferlið og setti þannig tóninn fyrir komandi viðburði. Mæting var góð og þátttakendur lýstu yfir ánægju með framtakið.
20. janúar 2025
Ný ferðamálastefna til 2030 samþykkt
Í desember 2024 var samþykkt á Alþingi þingsályktunartillaga um ferðamálastefnu og aðgerðaáætlun til 2030. Stefnan var unnin í samstarfi við atvinnulífið, fagfólk í ferðamálum og grasrótina og byggir hún á víðtæku samráði þar sem yfir þúsund einstaklingar lögðu sitt af mörkum við vinnu hennar.
15. janúar 2025
Ferðaþjónustuvikan 2025
Ferðaþjónustuvikan 2025 hófst í gær þriðjudaginn 14. janúar og stendur fram á fimmtudag. Viðburðurinn, sem skipulagður er af Markaðsstofum landshlutanna, Íslenska ferðaklasanum, Samtökum ferðaþjónustunnar, Ferðamálastofu og Íslandsstofu er ætlaður til að auka vitund um mikilvægi ferðaþjónustu og efla samstarf og fagmennsku í greininni.
13. janúar 2025
Fjölbreytt tækifæri til styrkja í gangi – Umsóknarfrestir í janúar og febrúar 2025
Ertu með hugmynd að nýsköpunarverkefni, rannsókn, eða þróunarsamstarfi? Nú er tækifærið til að sækja um styrki úr fjölbreyttum sjóðum sem eru í boði fyrir einstaklinga, fyrirtæki, stofnanir og námsmenn. Hér er yfirlit yfir nokkra spennandi sjóði og verkefni sem nú eru opin fyrir umsóknir:
20. september 2024
Þjónustukönnun Byggðastofnunar 2024
Byggðastofnun hefur sett af stað umfangsmikla þjónustukönnun til að kanna hvaða þjónusta skiptir íbúa landsins máli, hvernig hún er nýtt og hvað þarf að bæta eða efla. Könnunin, sem er framkvæmd af Maskínu, nær til íbúa um allt land utan höfuðborgarsvæðisins og er hluti af rannsóknum á þjónustusókn og væntingum til breytinga á þjónustu.
18. september 2024
Framkvæmdasjóður ferðamannastaða auglýsir eftir umsóknum fyrir árið 2025
Framkvæmdasjóður ferðamannastaða hefur auglýst eftir umsóknum um styrki fyrir árið 2025. Sjóðurinn veitir fjármögnun til framkvæmda á ferðamannastöðum og ferðamannaleiðum sem eru í eigu eða umsjón sveitarfélaga og einkaaðila. Umsóknarfrestur rennur út kl. 13 þriðjudaginn 15. október 2024.
