18. september
Úthlíð um helgina
Enn heldur helgarfjörið áfram í Úthlíð en um helgina verður sannkölluð kjötkveðjuhátíð í Úthlíð
Á golfvellnum verður Bændaglíma golfklúbbsins í Úthlíð haldin með pompi og prakt.
Mótið hefst kl. 10 að morgni með því að mótsgestir mæta í Réttina og þar verður skipt í tvö lið.
Fyrirliðar verða Þorbjörn Jónsson kenndur við Slappastaði og Friðbjörn Björnsson alltaf kallaður Böddi.
Þeir eru miklir eðalbændur og munu eflaust bregða á leik og sprella í liðunum sínum.
Allar upplýsingar um mótið og skráning eru á www.golf.is - Viljum við hvetja alla glaða og káta kylfinga til að mæta í mótið og taka með sér góða skapið.
Eftir fyrri 9 holur fara kylfingar í Réttina og gæða sér á réttarsúpunni góðu og taka stöðuna í leiknum
Klára svo seinni 9 og taka hvíldarstund, leggja sig, fara í pottinn og undirbúa sig fyrir sjálfa uppskeruhátíðina.
Á sama tíma og kylfingar glíma á golfvellinum glíma smalar við sauðfé í Úthlíðarhrauni og munu þeir koma til byggða með safnið síðdegis.
Kl. 20.00 verður uppskeruhátíð bændaglímunnar:
Þá verður þriggja rétta kvöldmáltíð ásamt góðri bændaglímuskemmtun, viðeigandi verðlaunaafhendingu og öðru fjöri.
Við endum svo með því að taka léttan súning og dansa fram á rauða nóttina undir ljúfum tónum hljómsveitar Stefáns P.
Við hlökkum til að sjá sem flesta koma og skemmta sér með okkur þessa síðustu helgi sumars.
Bestu kveðjur frá öllum í Úthlíð
6995500