27. júní
Úthlíð
Um næstu helgi verður mikil sæluhelgi í Úthlíð, enda ætlum við að fá flott golf- og útreiðaveður.
Á föstudaginn minnum við á að hjóna- og parakeppnin heldur áfram. Að þessu sinni verður leikinn betribolti sem er mjög skemmtilegur leikur. Skráning áwww.golf.is. Mæting er í Golfskála kl. 20.00 á föstudag. Ræst út af öllum teigum stuttu síðar. Leiknar 9 holur.
Verð 2.500 kr. á mann fyrir félaga í GÚ - 3.000 kr fyrir aðra, matur og einn drykkur á mann innifalið í mótsgjaldinu.
Verðlaunaafhending í Réttinni eftir mót, ásamt léttum mat og drykk.
Öll þjónusta verður opin um helgina, hestaleigan, sundlaugin og golfið
Á tjaldstæðinu og í húsum verður skemmtileg fjölskylda með ættarmót.
Laugardaginn 6. júlí verður 20 ára afmæli Golfklúbbsins fagnað með glæsilegu 18 holu Texas Scramble golfmóti á Úthlíðarvelli.
Skráning í mótið fer fram á www.golf.is
Að móti loknu verður afmælishátíð í Réttinni. Allir eru velkomnir í veislu, verðlaunaafhendingu og skemmtidagskrá sem mun svo enda með dansleik undir stjórn Siggu Beinteins og Grétars Örvarssonar.
Þú þarft ekkert að spila golf til að taka þátt í fjörinu um kvöldið.
Best er að skrá sig á borð með því að senda tölvupóst á: uthlid@uthlid.is eða hringja í síma 6995500.
Vinsamlega gefið upp nafn, símanúmer, netfang og búsetu.
Verð fyrir golfmót og mat: 6.500 kr á mann.
Verð fyrir golfmót mat og dansleik 7.500 kr.
Verð fyrir kvöldskemmtun án golfmóts 5.500 kr.
Takið 6. júlí frá, mætið í sveitina og bjóðið skemmtilegum gestum að taka þátt í fjörinu.
Við hlökkum til að sjá ykkur öll í góðaveðrinu sem kemur eftir að lægðin hefur gengið yfir.
Bestu kveðjur frá öllum í Úthlíð
Fylgist með dagskránni á www.uthlid.is, www.facebook.com/uthlid.is
Veðrið í Úthlíð: