12. janúar
Mannamót 2023
Ferðakaupstefnan Mannamót verður haldin fimmtudaginn 19. janúar í Kórnum í Kópavogi.
Um 250 fyrirtæki kynna þjónustu sína. Gert er ráð fyrir að 600-800 gestir mæti.
Á Mannamótum markaðsstofa landshlutanna gefst samstarfsfyrirtækjum um allt land tækifæri til að kynna sig fyrir fólki í ferðaþjónustu sem starfar á höfuðborgarsvæðinu og styrkja viðskiptasambönd.
Arnheiður Jóhannsdóttir er talsmaður markaðsstofa landshlutanna:
„Nú erum við að ná fullum kröftum á ný. Við sjáum fram á góða þátttöku fyrirtækja utan af landi. Markmiðið er að hitta fulltrúa fyrirtækjanna í Reykjavík og kynna fyrir þeim ferðaþjónustuna á landsbyggðinni – auðvelda fólki að hittast og tengjast, sjá hvað er nýtt í boði og hvaða áherslur eru í starfinu á árinu.”