Tólfhundraðavatn
Austan við bæinn Útey í Laugardal er lítil tjörn. Úteyjarmenn stunduðu silungsveiði í þessari tjörn, en þau álög voru á henni að aldrei mátti veiða þar meira en fyrir eina máltíð í einu. Bóndinn að Útey trúði þessu nú ekki og fór að tjörninni og veiddi 1200 silunga á mjög stuttum tíma. Frá því að þetta gerðist hefur aldrei neitt veiðst í tjörninni. Tjörnin fékk síðan nafnið Tólfhundraðavatn.