Texti þessi er skrifaður af nemendum í ML í verkefninu Íseldur 1997
Bakstur
Til eru nokkrar gerðir af brauði og kökum sem einkenna íslenska matargerð sérstaklega. Hér á eftir koma nokkrar lýsingar til að veita innsýn í íslenska kökugerðarlist.
Flatbrauð
Þunnar kringlóttar kökur úr rúgmjöli og heitu vatni.
Þær eru pikkaðar og bakaðar á heitri plötu eða glóðareldi, síðan dýft ofan í vatn og settar í stafla. Til drýginda er ágætt að nota fjallagrös.
Flatkökur eru mjög góðar með smjöri og hangikjöti.
Þær eru mjög vinsælar í veislum og hátíðahöldum Íslendinga.
Laufabrauð
Örþunnar kökur úr hveiti, sem stundum blandað öðrum mjöltegundum.
Laufabrauðið er tekið og skorið með margs konar laufskurði og er hægt að gera stafi og margt fleira. Það eru síðan pikkað og steikt í feiti þar til það er ljósbrúnt.
Laufabrauð eru helst búið til fyrir jólin og er það gamall og góður siður. Það er borið fram með feitu hangikjöti og smjöri.
Laufabrauð hefur verið hátíðarbrauð Íslendinga a.m.k. frá upphafi 18. aldar.
Seitt rúgbrauð (hverabrauð)
Deigið er sett í ílát (járndósir eða fernur, t.d. mjólkurfernur). Síðan er farið niður að hver og fundinn staður í sandinum þar sem vatnið sýður og kraumar. Þar er grafin hola sem ílátið er sett í. Síðan verður að þjappa sandinum vel að ílátinu til að einangra hitann. Sandurinn virkar eins og bökunarofn því hann heldur vel í sér hita.
Hverabrauð er best með smjöri og mjólk.
Kleinur
Allt þurrefni er sett í skál, síðan allur vökvinn og lint smjörlíki.
Deigið er hnoðað og flatt út, fremur þykkt. Því næst er það skorið í litla tígla með gati í miðjunni og kleinunni snúið við. Kleinurnar eru steiktar móbrúnar á báðum hliðum í heitri fitu.