Búrfellskirkja
Á Búrfelli var kirkja helguð Maríu guðsmóður, Blasíusi biskupi og Þorláki helga. Máldagi Búrfellskirkju er frá 1269 í Fornbréfasafninu og var sú kirkja prestsskyld um skeið á öldum áður. Búrfell var áður eign Skálholtsstóls en varð svo bændaeign (kringum 1700). Þar var fyrrum útkirkja frá Klausturhólum en 1887 var sóknin flutt til Mosfells. Núverandi kirkja var reist 1845 og er elsta timburkirkja í Skálholtsumdæmi. Hún var lengi bændakirkja en á aldarafmæli núverandi kirkju var hún afhent söfnuðinum. Hafði þá farið fram allmikil viðgerð á henni.